24.06.2026
გლობალურმა კვებისა და ველნეს კომპანიამ Herbalife-მა კიდევ ერთხელ მოიპოვა პრესტიჟული „ოქროს ბრენდის“ ჯილდო „დაბალანსებული კვების“ კატეგორიაში. ეს კომპანიისთვის ზედიზედ მეხუთე გამარჯვებაა, რაც კიდევ ერთხელ ადასტურებს მის ძლიერ პოზიციას საქართველოს ველნეს-ბაზარზე და დაბალანსებული კვებისა და ჯანსაღი ცხოვრების წესის პოპულარიზაციისადმი გრძელვადიან ერთგულებას. აღიარება Herbalife-ისთვის განსაკუთრებით მნიშვნელოვან წელს დაემთხვა – კომპანია საქართველოში საქმიანობის 15 წლის იუბილეს აღნიშნავს.
„ოქროს ბრენდის“ დაჯილდოების ცერემონია საქართველოში ყოველწლიურად იმართება და სხვადასხვა კატეგორიაში 50-მდე წამყვან ბრენდს აჯილდოებს. გამარჯვებულები შეირჩევიან უნივერსიტეტის პროფესორებისა და ლექტორების, ბიზნესის ადმინისტრირების სპეციალისტების, საკონსულტაციო კომპანიებისა და დამოუკიდებელი ეკონომიკური ექსპერტების მონაწილეობით ჩატარებული კვლევების, ასევე მომხმარებელთა გამოკითხვების საფუძველზე. ნომინირებული ბრენდები ფასდება ცნობადობის, ხარისხის, პოპულარობისა და საკომუნიკაციო აქტივობების ეფექტიანობის მიხედვით.
„ჩვენთვის დიდი პატივია, რომ ზედიზედ მეხუთე წელია ‘ოქროს ბრენდის’ ჯილდოს ვიღებთ ‘დაბალანსებული კვების’ კატეგორიაში,“ – განაცხადა ირაკლი ჩაჩანიძემ, Herbalife-ის კავკასიის რეგიონის ბიზნესის განვითარების უფროსმა მენეჯერმა. – „ეს აღიარება არა მხოლოდ Herbalife-ის მრავალწლიანი საქმიანობის დაფასებაა საქართველოში, არამედ იმის დასტურიც, რომ ქართველი მომხმარებლები ენდობიან ჩვენს პროდუქტებს. ჯილდო დამატებით მოტივაციას გვაძლევს, როგორც ჩვენს გუნდს, ისე დამოუკიდებელ პარტნიორებს, კიდევ უფრო მეტი პასუხისმგებლობით გავაგრძელოთ საქმიანობა.“
Herbalife-ი მსოფლიო ბაზარზე 1980 წლიდან ოპერირებს, ხოლო საქართველოში მისი პროდუქცია 2011 წლიდან არის ხელმისაწვდომი. დღეს კომპანია მომხმარებლებს სთავაზობს მეცნიერებაზე დაფუძნებულ 2000-ზე მეტ საკვებ პროდუქტებს, რომლებიც სხვადასხვა საჭიროებას პასუხობს – ყოველდღიური დაბალანსებული კვებიდან დაწყებული, წონის კონტროლის პროგრამებით დასრულებული. ბოლო 15 წლის განმავლობაში Herbalife-მა საქართველოში პოზიციები კიდევ უფრო გაამყარა და მომხმარებლებს ინოვაციებსა და სამეცნიერო კვლევებზე დაფუძნებულ პროდუქტებს სთავაზობს.
კომპანიის ერთ-ერთი ყველაზე ცნობილი პროდუქტი ფორმულა 1-ია – პროტეინის კოქტეილი, რომელიც საქართველოში ექვსი სხვადასხვა გემოთი არის წარმოდგენილი. წლების განმავლობაში Herbalife-ის პროდუქტებმა არაერთი საერთაშორისო ჯილდო დაიმსახურა, რაც ბრენდის ხარისხზე, ინოვაციებსა და სამეცნიერო განვითარებაზე მუდმივ ორიენტაციას უსვამს ხაზს.
Herbalife-ი მჭიდროდ თანამშრომლობს მეცნიერებისა და კვების სპეციალისტების საერთაშორისო გუნდთან, რომელიც მუდმივად აკვირდება თანამედროვე ტენდენციებს და პროდუქციის ფორმულებს აუმჯობესებს. შედეგად, კომპანია რეგულარულად ანახლებს პორტფელს ვიტამინებითა და მინერალებით გამდიდრებული პროდუქტებით. ამ მიმართულებით ერთ-ერთი სიახლეა Collagen Skin Booster-ი, რომელიც საქართველოში ახლახან გახდა ხელმისაწვდომი და კიდევ ერთხელ ასახავს Herbalife-ის ერთგულებას მეცნიერებაზე დაფუძნებული კვებისა და კეთილდღეობის მიმართ.
კომპანიის ინოვაციური მიდგომა ციფრულ ველნეს გადაწყვეტილებებზეც ვრცელდება. ცოტა ხნის წინ ცნობილი გახდა, რომ მსოფლიო ფეხბურთის ვარსკვლავმა კრიშტიანუ რონალდუმ, რომელიც Herbalife-ის გლობალური ბრენდ-ამბასადორია 2013 წლიდან, 10%-იანი წილი შეიძინა Pro2col™-ში — Herbalife-ის ახალი თაობის პერსონალიზებული ჯანმრთელობისა და კეთილდღეობის პლატფორმაში.
Pro2col™ შექმნილია იმისთვის, რომ მონაცემებზე დაფუძნებული მიდგომით ხელი შეუწყოს ჯანსაღი ჩვევების ჩამოყალიბებასა და კეთილდღეობის შედეგების გაუმჯობესებას. პლატფორმა აერთიანებს პერსონალიზებულ რეკომენდაციებს და ველნეს მონიტორინგს, რაც მომხმარებლებს საკუთარი მიზნების მიღწევაში ეხმარება. რონალდუს ინვესტიცია კიდევ ერთხელ ადასტურებს ინოვაციების, პერსონალიზებული კვებისა და ჯანმრთელობის სერვისების უფრო ფართოდ ხელმისაწვდომობისადმი საერთო ხედვას.
მეცნიერებაზე დაფუძნებული კვების, პროდუქციის უწყვეტი განვითარებისა და ახალი თაობის ტექნოლოგიებში ინვესტირების ერთობლიობა კიდევ უფრო აძლიერებს Herbalife-ის გრძელვადიან მისიას — დაეხმაროს ადამიანებს უფრო ჯანსაღი და აქტიური ცხოვრების წესის დამკვიდრებაში. სწორედ ეს მიდგომა განამტკიცებს კომპანიის პოზიციას, როგორც სანდო ველნეს-ბრენდის საქართველოში და მსოფლიოს მრავალ ქვეყანაში.